ԱՄՆ Նախագահ Բարաք Օբաման երկուշաբթի ստորագրել է Կոնգրեսի կողմից հավանության արժանացած բյուջեի երկամյա պլանը, որը մասնավորապես նախատեսում է ԱՄՆ կառավարության համար փոխառությունների սահմանաչափի բարձրացում, հայտնում է Bloomberg-ը:
Պետական պարտքի սահմանային չափը բարձրացվում է մինչև այն մակարդակ, որը թույլ կտա այդ հարցին չվերադառնալ մինչև 2017 թվականի մարտ` այսինքն նոր վարչակազմի Սպիտակ տուն գալը:
Երկու ֆինանսական տարվա բյուջետային ծախսերը կավելանան 80 միլիարդ դոլարով, որը հավասար բաժանվելու են պաշտպանության և այլ կարիքների միջև: Այդ օրինագիծը դարձել է կոմպրոմիս հանրապետականների և դեմոկրատների միջև:
«Դա այն բանի ցուցադրությունն է, թե ինչպես պետք է աշխատի Վաշինգտոնը»,- մեկնաբանել է Օբաման:
