OnePlus ընկերությունը պաշտոնապես ներկայացրել է իր երրորդ OnePlus X սմարթֆոնն ապակուց և մետաղից: Այս ամսին հայտնում է Engadget-ը:
Բացի սմարթֆոնի ապակե հետևի պանելով Onyx անվանումով ստանդարտ տարբերակից՝ ընկերությունը ներկայացրել է Ceramic սահմանափակ շարքը կերամիկական հետևի կափարիչով: Այդ նյութը շատ ամուր է, կայուն է քերծվածքների նկատմամբ: Կթողարկվի 10 000 Ceramic: Երկու տարբերակի շրջանակն էլ մետաղից է, սմարթֆոնի հաստությունը 6․9 մմ է:
Սմարթֆոնն ունի 5 դյույմանոց AMOLED դիսփլեյ 1920×1080 կետայնությամբ, 4 միջուկանի Qualcomm Snapdragon 801 պրոցեսոր 2․3 ԳՀց տակտային հաճախականությամբ, 3 ԳԲ օպերատիվ և 16 ԳԲ ներքին հիշողություն ֆլեշ քարտերի աջակցությամբ: Հիմանական տեսախցիկը 13 մեգապիքսելանոց է, դիմայինը՝ 8: OnePlus X-ն աշխատում է Android 5.1.1 օպերացիոն համակարգով: Սմարթֆոնը վաճառքի կհանվի նոյեմբերի 5-ին Եվրոպայում և Հնդկաստանում 269 եվրոյով: ԱՄՆ-ում սմարթֆոնը կվաճառվի 2 շաբաթ անց 249 դոլարով: Կերամիկական կափարիչով տարբերակը վաճառքի կհանվի նոյեմբերի 24-ին և կարժենա 369 եվրո:
