«Եկատերինա Տիխոնովան՝Վլադիմիր Պուտինի 29-ամյա աղջիկը, կարողացել է այն աստիճան թաքցնել իր իրական ծագումը, որ 2013թ. նրան հաջողվել է մասնակցել բուգի-վուգիի աշխարհի առաջնությանը»,- գրում է The Times-ը: Լրագրող Մարկ Բեննեթսը գրում է. «Պուտինի համբավը՝ որպես վառ ազգայնականի, սկսել է կասկածներ առաջացնել, երբ նրան հարցրել են՝ ինչու են նրա երկու հասուն աղջիկներն ապրում արտասահմանում, մեկը՝ Հոլանդիայում, մյուսը Կորեայում»:
«Հունվարին մամուլ է արտահոսել տեղեկություն, որ Եկատերինան Կորեայում չի ապրում, այլ աշխատում է Մոսկվայի պետական համալսարանում, որտեղ ղեկավարում է նրա հողերի յուրացման նախագիծը: Նախագծի նախահաշիվը 1,1 մլրդ ֆունտ է: Մոտ 10 ամիս հետո Եկատերինան ռուսական INTERFAX տեղեկատվական գործակալությանը տվել է իր առաջին հարցազրույցը»,- շարունակում է հեղինակը:
«Հունվարին ռուս հայտնի լրագրող Օլեգ Կաշինը բացահայտել է, թե ով է նա իրականում: Կաշինն ասաց, որ Եկատերինան վերցրել է կեղծանուն՝ իր մեծ տատի հոր անունով՝ Տիխոն: Նա նաև ասել է, որ այդ ակնոցավոր շիկահերը մեծապես տարված է ակրոբատիկ պարերով և հանդես է եկել Ռուսաստանում ու Եվրոպայում: Ավելի ուշ Reuters տեղեկատվական գործակալությունը բերեց Մոսկվայի պետական համալսարանում անանուն աղբյուրի խոսքերը, որը հաստատել է, որ նա Պուտինի աղջիկն է: Կրեմլը չի մեկնաբանել»,- ասվում է հոդվածում:
