Թուրքական Cumhuriyet թերթի փոխանցմամբ, այսօր տեղական ժամանակով ժամը 15.00-ին Կարսում բողոքի ցույց է տեղի ունենալու հայ-թուրքական բարեկամությունը խորհրդանշող հուշարձանի ապամոնտաժման դեմ:
Դրան մասնակցելու են մի շարք թուրք հասարակական գործիչներ ու արվեստագետներ, այդ թվում նաև Կարսի նախկին քաղաքապետ Նաիֆ Ալիբեյօղլուն և հուշարձանի քանդակագործ Մեհմեթ Աքսոյը:
Նրանք պահանջելու են չքանդել 25 մետր բարձրությամբ հուշարձանը և դրանով իսկ չնմանվել «Թալիբան»-ին, որը 2001 թվականին Աֆղանստանում ոչնչացրեց Բուդդայի երկու վիթխարի (55 և 37 մետր բարձրությամբ) հուշարձանները:
Փաստաբան Թուրգութ Քազանն էլ չի բացառել, որ իրենք կարող են դիմել Մարդու իրավունքների եվրոպական դատարան (ՄԻԵԴ), քանի որ վերջինիս օրենքներով սա մշակույթի ու արվեստի արժեքների վրա գործած հարձակում է:
Հիշեցնենք, որ ապամոնտաժման աշխատանքները մեկնարկելու են վաղը, և նախատեսված է հուշարձանը մասնատել 18 կտորի:
