Լիբանանի նախագահ Միշել Սուլեյմանը երկրի ԱԳՆ-ին կարգադրել է բողոք հղել Դամասկոսին՝ կապված սիրիական ռազմաօդային ուժերի կողմից երեկ Լիբանանի տարածքին հասցված ավիահարվածի հետ: Այս մասին հայտնում է RIA Novosti-ն՝ հղում անելով Լիբանանի ազգային լրատվական գործակալությանը:
«Սիրիայի կողմից լիբանանյան տարածքի ռմբակոծումը Լիբանանի ինքնիշխանության անընդունելի խախտում է»,-հայտարարել է Սուլեյմանը:
Հիշեցնենք, որ երկուշաբի առաջին անգամ Սիրիայի ռազմաօդային ուժերը հրթիռակոծել էին Սիրիայի տարածքը: Ռմբակոծման էին ենթարկվել Սիրիային սահմանակից Հիրբա Յուտին և Վադի Հայլ շրջանները: Զոհերի և ավերածությունների մասին տեղեկություններ չկան:
Անցած ուրբաթ Սիրիայի ԱԳՆ-ն լիբանանյան իշխանություններին ուղերձ էր հղել, որում նախազգուշացրել էր լիբանանյան տարածքում գրոհայինների դիրքերին հարվածներ հասցնելու սիրիական բանակի պատրաստակամության մասին, եթե Լիբանանի բանակը չուժեղացնի ընդհանուր սահմանի պաշտպանությունը, որի միջոցով էլ գրոհայինները ներթափանցում են Սիրիա:
