Շենյան քաղաքի չինացի ֆերմերները բրնձի արտերից շլացուցիչ պատկերներ են ստանում, որոնք իսկական արվեստի գործեր են հիշեցնում: Նրանք էթնիկ Xibo խմբավորման անդամներ են և համարում են, որ բրնձի արտերի նման ձևավորումները օրհնության յուրատեսակ աղոթքի միջոցներ են: Այս մասին հայտնում է kedem.ru-ն:
Ոչ սովորական 3D էֆեկտը ձեռք է բերվում բրնձի տարբեր տեսակների տնկիների օգնությամբ: Սկզբում ստեղծվում է արտերի համակարգչային էսքիզը, որպեսզի պարզ լինի, թե գունային էֆեկտ ստանալու համար բրնձի ինչ տարատեսակներ պետք է օգտագործեն: Դրանք կարող են լինել մարդկային, կենդանիների և առասպելական արարածների կերպարանքներ կամ հայտնի կտավների կրկնօրինակներ:
Նկարազարդված արտերը Շենյանի թեմատիկ զբոսավայրի մի մասն են կազմում: Այդ գաղափարը այնպիսի արձագանք է ստացել, որ մի քանի ընկերություններ հետաքրքրված են, թե հնարավո՞ր է արդյոք բրնձի արտերում պատկերել իրենց տարբերանշանները:
