ԱՄՆ արդարադատության նախարարությունն անցած տարի հետաքննություն է սկսել հնարավոր կաշառքների հետ կապված, որոնք The Wall Street Journal-ի չինացի թղթակիցները վճարել են չինական բարձրաստիճան պաշտոնյաներին՝ տեղեկատվություն ստանալու համար, որը այնուհետև հրապարակել են իրենց հոդվածներում:
WSJ-ի ներսում հետաքննությունը ոչ մի արդյունք չի տվել: Մինչդեռ, ԱՄՆ կառավարությունը մոտ է ավելի խոշոր հետաքննության ավարտին: Այն վերաբերում է News Corp հրատարակչության սեփականատեր ընկերությանը, որը նույնպես կասկածվում է կաշառք տալու և գաղտնալսումների մեջ:
Այս հետաքննության արդյունքում հաջողվել է դուրս գալ News Corp-ի ներսում մի աղբյուրի վրա, որն էլ տեղեկացրել է չինական կառավարական մարմիններին հրատարակչության մեկ կամ մի քանի աշխատակիցների կողմից տեղեկատվության դիմաց կաշառք տալու փաստերի մասին:
News Corp և WSJ հրատարակչությունները հայտարարել են, որ չեն ճանաչում աղբյուրին։ Կառավարության անդամները նույնպես հրաժարվում են քննարկել գործի մանրամասները: Դեռ հայտնի չէ՝ արդյո՞ք նա աշխատում է հրատարակչությունում, ինչպես նաև հայտնի չէ, թե արդյո՞ք նա հայտնել է կառավարությանը կաշառք տվողների անունները:
