Գիտնականները կարծում են, որ 50 տարեկանն անց կանանց համար այդ շրջանն ամենաերջանիկն է: Նրանց կարծիքով՝ այդ սահմանն անցնելով՝ կինը սկսում է ավելի մեծ հաճույք ստանալ սեքսից, փոխհարաբերություններից, բարեկեցությունից:
Հետազոտողները հարցումներ են անցկացրել 20-65 տարեկան 1500 մարդու շրջանում՝ հայտնում է Meddaily-ն: Պարզվել է, որ տարեց կանանց 49 տոկոսն իրեն ավելի երջանիկ է զգացել 50 տարեկանից հետո: Ավելի քան ¼-ը հայտնել են, որ ամենամեծ հաճույքը սեքսից ստացել են կյանքի այդ շրջանում: Առնվազն յուրաքանչյուր 5-րդը սեռական հարաբերություն է ունեցել շաբաթական առնվազն մեկ անգամ: Այս ցուցանիշը համեմատելի է 20-ամյա կանանց հետ: Բացի այդ, տարեց կանայք մեծ մտերմություն են զգում իրենց դուստրերի հետ:
Ինչպես նշվում է, 50 տարեկանն անց կանայք ավելի ակտիվ և նախաձեռնող են: Այդ տարիքային խմբի միայնակ կանանց 11 տոկոսն օգտվում է ծանոթությունների կայքերից: Համեմատության համար նշենք, որ այդ կայքերից օգտվող 20 տարեկանն անց կանանց թիվը կազմել է 15 տոկոս:
