Հայտնի դերասանուհի Քեթի Հոլմսը փորձում է ամբողջ ազատ ժամանակն անցկացնել իր վեցամյա դստեր՝ Սուրիի հետ: Նրանք միասին են գնումներ կատարում, սրճարաններ հաճախում, Քեթին Սուրիին դպրոց է տանում, այնպես որ՝ մայր և դուստր հաճախ են հայտնվում լուսանկարիչների օբյեկտիվներում:
Պապարացիները հանդիպել են 34-ամյա դերասանուհուն և նրա դստերը թենիսի դպրոցի ճանապարհին: Փոքրիկը սպիտակ մուշտակ, վարդագույն զուգագուլպաներ և նույն գույնի պայուսակ էր բռնել, որի վրա Hello Kitty էր գրված: Քեթին և Սուրին հաճույքով լուսանկարվում էին:
Հիշեցնենք, որ Թոմ Քրուզից բաժանվելուց հետո վերջերս Հոլմսին նկատել են իր նոր գործակալ Ադամ Շվեյցերի ընկերակցությամբ: ԶԼՄ-ները միանգամից հետևություններ են արել, որ դերասանուհին նոր սիրավեպ ունի, սակայն Քեթին առայժմ զերծ է մնում մեկնաբանություններից:
