Հռոմի պապ Ֆրանցիսկոսը շաբաթ օրը լրագրողների հետ հանդիպման ժամանակ հայտնել է, թե ինչու է ինքը այդ անունն ընտրել:
«Լսելով Ֆրանցիսկոս Ասսիզացի անունը, մարդիկ առաջին հերթին հիշում են աղքատներին օգնելու կարևորությունը»,- ասել է Հռոմի պապը:
Նա լրագրողներին հայտնել է, որ երբ ձայների հաշվարկի ժամանակ ավելի էին հստակեցվում նրա ընտրման հեռանկարները, նրան է մոտեցել բրազիլացի կարդինալ Կլաուդիու Ումիսը և ասել. «Չմոռանաս աղքատների մասին»:
«Հենց այդ պահին ես մտածեցի այն մասին, որ պետք է անունը ընտրեմ՝ ի պատիվ սուրբ Ֆրանցիսկոս Ասիզացու»,- ասել է նա:
Ֆրանցիսկոսի օծումը նախատեսված է մարտի 19-ին, իսկ մարտի 23-ին Հռոմի պապը կհանդիպի Բենեդիկտոս 16-րդի հետ:
