Բրիտանիայում անցկացված ուսումնասիությունից պարզվել է, որ գեղեցիկ սեռի ներկայացուցիչների 80 տոկոսը իրենց իրական դեմքը ցուցադրում են ծանոթությունից ընդամենը մեկ ամիս անց: Դա նշանակում է, որ ծանոթությունից 30 օր անց տղամարդը կարող է տեսնել, թե իրականում ինչպիսի տեսք ունի նրա ընտրյալը (այսինքն՝ առանց դիմահարդարման): Սակայն շատ կանայք նախընտրում են ավելի երկար թաքցնել իրենց դեմքը զուգընկերոջից, ոմանք էլ նույնիսկ դիմահարդարված են քնում, իսկ առավոտյան վաղ արթնանում են, որպեսզի «զինված» ներկայանան սիրելիին:
Կանանց 17 տոկոսը միայն երկու ամիս անց է տղամարդուն ներկայանում առանց դիմահարդարման, 16 տոկոսը երեք ամիս էլ է սպասում, 8 տոկոսը երեք տարի պահում է անթերի արտաքինի պատրանքը, իսկ 3 տոկոսը մինչև կյանքի վերջը տղամարդուն առանց դիմահարդարման չի ներկայանում: Հարցված կանանց 20 տոկոսը խոստովանել է, որ անպայման կփախչի տղամարդուց, եթե առաջին սեքսը նրա տանը տեղի ունենա, որովհետև չեն ցանկանում ներկայանալ առանց դիմահարդարման:
Հարցին՝ ինչո՞ւ չեն ցանկանում առանց կոսմետիկ միջոցների ներկայանալ տղամարդուն, մեծ մասը խոստովանել է, որ առանց դիմահարդարման ավելի վատ տեսք ունի, 28 տոկոսը իրեն բավականին անվստահ է զգում, 12 տոկոսը կարծում է, որ դուր չի գա տղամարդուն, իսկ 2 տոկոսի կարծիքով՝ ինքն այնքան անհրապույր տեսք ունի, որ տղամարդը անմիջապես կլքի իրեն:
