«Առաջին լրատվական»-ի տեղեկություններով՝ հունիսի 7-ին Աբովյանում տեղի ունենալիք քաղաքապետի ընտրություններում ԵԿՄ մարզային և Աբովյանի կառույցը որոշել է պաշտպանել «Քինգ դե լյուքս» ընկերության սեփականատեր Արթուր Հարությունյանին (Պալաչ), ինչն առաջ է բերել ԵԿՄ վարչության նախագահ գեներալ Մանվել Գրիգորյանի զայրույթը, քանի որ ՀՀԿ-ն որոշում է կայացրել պաշտպանել Գագիկ Ծառուկյնաի թեկնածու Վահագն Գևորգյանին, իսկ գեներալը բազմիցս է ապացուցել, որ ԵԿՄ-ն այնտեղ է, որտեղ ՀՀԿ-ն:
Այս տեղեկությունը ճշտելու համար կապվեցինք ԵԿՄ Աբովյանի կառույցի ղեկավար Սուրիկ Աղոյանի հետ: Վերջինս մեր հարցին՝ որոշում կայացրե՞լ են արդեն, թե ում են պաշտպանելու քաղաքապետի ընտրություններում, պատասխանեց. «Անկախ ամեն ինչից՝ մենք արդեն իսկ ապացուցել ենք, թե ում ենք պաշտպանելու»,- եղավ պատասխանը: Մեր դիտարկմանը ի պատասխան, թե նկատի ունի մայիսի 9-ի միջոցառո՞ւմը, երբ ԵԿՄ կառույցը Արթուր Հարությունյանի հետ տոնեց եռատոնը և նրան պարգևատրեց պատվոգրով, ասաց, թե չի կարող ավելի կոնկերտ պատասխանել մեր հարցերին, քանի որ այս պահի դրությամբ կոնկերտ որոշում չունեն: Բայց տեղեկություն կա, որ ԵԿՄ Աբովյանի կառույցը սատարելու է հենց Արթուր Հարությունյանին, ճիշտ է դա: Այս հարցրին ետևյալ կերպ արձագանքեց Աղոյանը. «Դե, որ այդքանն արդեն գիտեք, էլ ինչի՞ եք իզուր հարցնում»:
Մեր հաջորդ հարցին, թե ինչպե՞ս է Մանվել Գրիգորյանը արձագանքել իրենց որոշմանը, Աղոյանը պատասխանեց. «Ուրեմն, մենք ունենք զորավար, գեներալ: Գեներալի խոսքը մեզ համար օրենք է, ոնց ասի, էդպես էլ կանենք»: Դե, չի՞ ասել՝ ոնց անեք. Հարցրինք: «Դե, հիմա, պետք չի էդքան հարցեր տալ»,- եղավ պատասխանը:
ԵԿՄ Կոտայքի մարզային խորհրդի նախագահ Աբել Հարությունյանն էլ «Առաջին լրատվական»-ի հետ զրույցում ասաց, որ դեռ որոշում չեն կայացրել, թե ում են պաշտպանելու: «Բայց առաջիկայում որոշում կկայացնենք, և որոշումը կլինի Վահագի օգտին: Վահագին կպաշտպանենք»,- ասաց նա: Մեր հարցին, թե ՀՀԿ-ն էլ է Վահագն Գևորգյանին պաշտպանում, դրա՞ համար, Աբել Հարությունյանը պատասխանեց. «Ոչ: Ուղղակի Վահագը մեր ընգերնա: Ճիշտ ա՝ ո՛չ մարտական, բայց մեր ընգերն ա»: Ասաց ու անջատեց հետախոսը:
