Հարավային Կորեայում տեղի է ունեցել 3500 զույգի զանգվածային պսակադրություն, որը կազմակերպել էր Միավորման եկեղեցին: Այս մասին հայտնում է RIA Novosti-ն:
Միջոցառումը տեղի է ունեցել Կապhեն քաղաքում, որը գտնվում է մայրաքաղաք Սեուլից 60 կմ հյուսիս-արևելք: Եկեղեցու ևս մի քանի հազար հետևորդներ միևնույն ժամանակ ամուսնական միություն են կնքել աշխարհի այլ քաղաքներում:
«Հանուն համաշխարհային քրիստոնեության միավորման Սուրբ հոգու ասոցիացիա» կրոնական շարժումը՝ Միավորման եկեղեցին, ձևավորվել է կորեացի Մուն Սոն Մենի կողմից 1954 թվականին Սեուլում, և մի քանի տասնամյակում տարածվել ողջ աշխարհով մեկ: Եկեղեցու հետևորդները ոչ թե անհատներն են, այլ ամուսնական զույգերը:
Եկեղեցու կողմից ամեն տարի անցկացվող զանգվածային պսակադրության նպատակն է բոլոր կրոնական, էթնիկ և ազգային սահմանների հարթումը, և այդպիսով՝ ներդաշնակ ու բազմամշակութային աշխարհի ստեղծումը:
