Ճապոնիան ծրագրել է 2018թ. ապրիլին Լուսին ուղարկել իր տիեզերական սարքը: Եթե դա լինի, Ճապոնիան կլինի լուսնային առաքելություն իրականացրած չորրորդ երկիրը Ռուսաստանից, ԱՄՆ-ից և Չինաստանից հետո: Այս մասին հայտնում է Agence France-Presse-ը:
Սպասվում է, որ SLIM (Smart Lander for Investigating Moon) զոնդը կարձակվի 2013թ. ստեղծված Epsilon կոշտ վառելիքով հրթիռի օգնությամբ: Ծրագրի արժեքը գնահատվում է 126 մլն դոլար: Ճապոնիայի օդատիեզերական հետազոտությունների գործակալությունը հայտ կուղարկի երկրի կառավարությանն անհրաժեշտ ֆինանսավորում ստանալու համար:
Դեպի Երկրի արբանյակ սարքը ուղարկելուց հետո գերատեսչությունը մտադիր է կենտրոնանալ Մարսի ուսումնասիրության վրա:
