«Մերսեդես»-ի ավտոարշավորդ Լուիս Հեմիլթոնը հայտարարել է, որ նոր պայմանագրի հարցն արդեն գրեթե լուծված է: Գործող պայմանագրի ժամկետը լրանալու է 2015թ. ավարտին:
« «Մերսեդես»-ի հետ նոր պայմանագիր կստորագրեմ այս շաբաթ: Պատճառ չկա, որպեսզի դա տեղի չունենա: 99.6%-ով հարցը լուծված է: Մնացել է լուծել որոշ իրավաբանական հարցեր: Քննարկելու բան արդեն չկա»,- Հեմիլթոնի խոսքերը մեջբերում է Daily Mail-ը:
Հեմիլթոնը նաև հերքել է, որ պատրաստվում է տեղափոխվել «Ֆերարի»: Ասեկոսեները տարածվել էին այն բանից հետո, երբ նա գնել էր La Ferrari սպորտային ավտոմեքենա: «Հիմարություններ մի խոսեք»,- նշել է բրիտանացի ավտոարշավորդը:
