Super Bowl 2015-ի անցկացումից այնքան էլ շատ ժամանակ չի անցել, սակայն ԶԼՄ-ներն արդեն խոսում են, թե ով հանդես կգա 2016-ին: Առաջին և դեռ միակ հավակնորդը Բրիթնի Սփիրսն է, հայտնում է spletnik.ru-ն:
Ինչպես հայտնում է աղբյուրը, երգչուհին զգում է, որ դա բեմ վերադառնալու լավագույն ժամանակն է:
Ծրագրվում է, որ հենց նա ելույթ կունենա մյուս տարի: Մանրամասներ դեռ հայտնի չեն:
Երգչուհին զարդարել է Billboard-ի մարտյան համարն ու ամսագրին տված հարցազրույցում պատմել, որ պատրաստվում է նոր ալբոմ լույս ընծայել:
«Ես դանդաղ եմ աշխատում իմ նոր ալբոմի վրա, սակայն ճիշտ: Հիմա ես երեխաների հետ շատ գործ ունեմ անելու՝ դպրոց, սպորտ և այլն: Սակայն, գիտեք, ես անում եմ հնարավոր ամեն ինչ, որ նոր ալբոմը հիանալի ստացվի»,- ասել է երգչուհին:
