Երկու անչափահաս երեխաների մայր, 35-ամյա կինը 2014 թվականի օգոստոսի 22-ին՝ ժամը 24-ի սահմաններում, գտնվելով ընկերուհուն պատկանող բնակարանում, օգտագործել է օղի և ալկոհոլի ազդեցության տակ դուրս եկել բնակարանից, շենքի շքամուտքում, առանց որևէ պատճառի, շուրջ 15 րոպե տևողությամբ տվել է սեռական բնույթի անհասցե խուլիգանական բնույթի հայհոյանքներ:
«Փաստինֆո»–ի փոխանցմամբ՝ կնոջ այս գործողությունները դադարել են միայն հարևանությամբ բնակվող մի տղամարդու միջամտությամբ:
Կինն, ի դեպ, տառապում է «թեթև աստիճանի մտավոր հետամնացություն աֆեկտիվ անկայունությամբ, բարդացած ալկոհոլի չարաշահումով» ախտորոշմամբ սակավամտությամբ:
Սակայն միաժամանակ, բժիշկ փորձագետների եզրահանգմամբ, սակավամտությունն արտահայտված չէ այն աստիճան, չի ուղեկցվում մտածողության, հիշողության կոպիտ խանգարումներով, քննադատական ունակությունների բացակայությամբ և ինչպես իրեն մեղսագրվող արարքը կատարելու պահին, այնպես էլ ներկայումս չի զրկել և չի զրկում նրան իր գործողությունների համար իրեն հաշիվ տալու և դրանք ղեկավարելու ունակությունից:
Մանրամասները՝ սկզբնաղբյուր կայքում
