Բժիշկները հինգշաբթի ուշ երեկոյան մահափորձի ենթարկված Հայաստանի նախագահի թեկնածու Պարույր Հայրիկյանի վիճակը գնահատում են միջին ծանրության: Փետրվարի 18-ին նշանակված ընտրություններում առաջադրված ութ թեկնածուներից մեկը տեղափոխվել է «Սուրբ Գր.Լուսավորիչ» բժշկական կենտրոնի վերակենդանացման բաժանմունք: Բժիշկների խոսքերով՝ նրա մոտ աջ ուսի հրազենային վնասված է: Այս մասին տեղեկացնում է ИТАР-ТАСС-ը։
Դեպքի վայր են ժամանել Հայաստանի ոստիկանապետ գեներալ-լեյտենանտ Վլադիմիր Գասպարյանը, Ոստիկանության Երևանի վարչության պետ գեներալ-մայոր Ներսես Նազարյանը: Հանցագործության վայրում իրավապահները հայտնաբերել են փամփուշտի պարկուճ և բանալիների տրցակ:
Հինգշաբթի առավոտվանից Հայրիկյանն անցկացրել է իր նախընտրական քարոզարշավը, հանդիպել է ընտրողների հետ, անցկացրել է հերթական ասուլիսը: Նա, մասնավորապես, տեղեկացրել է, որ իր ֆինանսական միջոցները վերջացել են հենց նախընտրական քարոզարշավի սկզբում և օրենսդրությամբ պահանջվող 8 մլն դրամ (մոտ 20 հազար ԱՄՆ դոլար) ընտրագրավն ինքը կարողացել է մուծել համաքաղաքացիների հանգանակությունների շնորհիվ:
«Չնայած այն բանին, որ նախագահական մանդատի ժամկետը կազմում է հինգ տարի, իր ընտրվելու դեպքում Հայրիկայնը մտադիր է 2,5 տարում իրականացնել իր բոլոր նախատեսած բարեփոխումները, ինչից հետո հրաժարական տալ»,– գրում է գործակալությունը:
