Իսպաներենը, որով խոսում է աշխարհում ավելի քան 495 մլն մարդ, տարածվածությամբ 2-րդն է աշխարհում՝ չինարենից հետո:
2012թ. իսպանախոս մարդկանց թիվն ավելի է աճել, իսկ անգլախոս և չինախոս մարդկանց թիվը նվազել է: Այս տվյալները հաղորդվում են El espanol en el mundo («Իսպաներենն աշխարհում»)՝ Սերվանտեսի ինստիտուտի կողմից հրապարակված ամենամյա զեկույցում:
Իսպաներենը նաև որպես միջազգային շփման լեզու է 2-րդը՝ անգլերենից հետո:
Համացանցում իսպաներենը, ըստ տարածվածության, 3-րդ տեղում է՝ անգլերենից և չինարենից հետո: Վերջին 10 տարում նրա «ներկայությունը» համացանցում աճել է 80 տոկոսով:
Twitter սոցիալական կայքում իսպաներենը 2-րդ տարածված լեզուն է. այդ ցուցանիշով այն շրջանցել է արաբերենին, ռուսերենին, իտալերենին, ֆրանսերենին, գերմաներենին:
Facebook-ում ևս իսպաներենը բավականին շատ գործածվող լեզու է: Այդ լեզվով խոսում է ավելի քան 80 մլն մարդ:
