Արդեն 2014-ին կեսերին Իրանը կարող է բավականաչափ հարստացված ուրան արտադրել մեկ կամ մի քանի միջուկային ռումբերի համար: Այս մասին ասվում է Միջուկայի զենքի չտարածման հարցերով ամերիկյան փորձագիտական խմբի զեկույցում: Փորձագետները պնդում են, որ ԱՄՆ-ն և իր դաշնակիցները պետք է խստացնեն պատժամիջոցներն Իրանի դեմ, քանի դեռ իրավիճակը չի հասել կրիտիկական կետի: Այս մասին հայտնում է իսրայելական MIGnews.com-ը:
Իրենց զեկույցում նրանք պնդում են նաև, որ ԱՄՆ նախագահ Բարաք Օբաման պետք է հստակ հասկանալ տա, որ ԱՄՆ-ն պատրաստ է ռազմական գործողությունների դիմել՝ կանխելու համար Իրանի կողմից միջուկային զենքի ձեռքբերումը:
ԱԷՄԳ-ն անհանգստություն է հայտնել առ այն, որ Իրանի միջուկային ծրագիրն ունի ռազմական ենթատեքստ: Իր հերթին, Թեհրանը շարունակում է հաստատել, որ իր միջուկայի ծրագիրը նախատեսված է էներեգետիկ խաղաղ նպատակների համար, և այդ մեղադրանքներն անհիմն է համարում:
154 էջանոց զեկույցը կազմվել է 5 հոգանոց փորձագիտական խմբի կողմից:
Դևիդ Օլբրայթը, որը հանդիսանում է զեկույցի համահեղինակ ու գիտության և միջազգային անվտանգության հարցերով ինստիտուտի նախագահ, հայտարարել է, որ իրենք չեն կարծում, թե Իրանը ներկայումս ուրանի հարստացման գաղտնի գործարան ունի, սակայն կա իրական սպառնալիք, որ Իրանը նման գործարան կկառուցի:
