Նույնիսկ իրենց թշնամիներին ուտելիս Ֆիջիի մարդակերները բավականին բարձրաճաշակ են եղել: Այդպիսի հանդիսավոր արարողությունների համար նրանք հատուկ սեղանի սպասք են ունեցել: Ֆիջիի ցեղերից մեկի ներկայացուցիչները պատառաքաղների այդ հավաքածուն օգտագործել են իրենց հակառակորդների ներքին օրգաններն ուտելու համար: Սակայն, չնայած պատառաքաղների հետ կապված ամբողջ սարսափին, հավաքածուն աճուրդում 30,000 ֆունտով է վաճառվել:
Այն, ինչ այժմ հնություն է համարվում, 19-րդ դարում սեղանի պարագաներ են հանդիսացել, որոնց օգնությամբ առաջնորդները կերել են իրենց թշնամիներին այն բանից հետո, երբ սպանել են նրանց:
Ամբողջ ցեղախումբը սպանված հակառակորդներին ձեռքով է կերել, պատառաքաղներից օգտվել են միայն ցեղի առաջնորդներն ու նրանց ընտանիքի անդամները և միայն՝ հատուկ պարագաներում:
Ջեյմս Բրիջեսը՝ Գերնսի Martel Maides աճուրդի տան տնօրենը, ասել է. «Պատառաքաղներն աճուրդի է դրել տեղացի միջնադարյան զենքերի և ցեղային արվեստի նմուշների հավաքածուի տերը: Ավելին, այդ իրերի պատմության մասին մենք, ցավոք, չգիտենք: Նրանք ստեղծվել և օգտագործվել են 19-րդ դարում, մենք դա տեսնում ենք իրերի գույնի փոփոխությամբ: Զարմանալի հնարավորություն է 7 իրերից կազմված հավաքածուն տեսնելը: Շատ հազվադեպ կարելի է տեսնել երեք կամ չորս իրերից կազմված հավաքածու, իսկ մեր հավաքածուն յոթ իրերից է բաղկացած: Ցեղի առաջնորդներն իրենք իրենց ձեռքերով չէին ուտում, նրանց կերակրում էին հատուկ սովորեցված մարդիկ, հենց այդ գործընթացի համար էլ օգտագործվում էին այս պարագաները: Դա ավանդույթի մասն է կազմել: Պատառաքաղներին որպես սրբություն են վերաբերվել: Նրանք ցեղի առաջնորդին էին անձնավորում: Աճուրդը շատ աշխույժ ընթացավ և մի պահ աճուրդի մասնակիցները պայքարում էին այդ լոտի համար: Վաճառողը հաճելիորեն զարմացած էր վաճառքից ստացված գումարի չափով»:
