2014թ. ԱՄՆ-ում նավթի ներմուծումը կկրճատվի՝ հասնելով 25 տարվա նվազագույնին: Այս մասին հաղորդում է The Financial Times-ը՝ վկայակոչելով ԱՄՆ-ի էներգետիկ տեղեկատվության վարչության (EIA) կանխատեսումները:
Կանխատեսումների համաձայն՝ էներգակիրների արտադրությունը երկրում ավելի արագ կաճի ազգային սպառողների կողմից:
Հաջորդ տարի նավթի ներմուծման ծավալը կկազմի օրական շուրջ 6 միլիոն բարել: Նավթի ներմուծման կրճատումը հիմնականում պայմանավորված է նոր տեխնոլոգիաների միջոցով դժվարհասանելի նավթի արդյունահանման ծավալների մեծացմամբ: Այսպիսով, ԱՄՆ-ը մի կողմից` նվազեցնում է կախվածության մակարդակն օտարերկրյա մատակարարներից, մյուս կողմից՝ ստեղծում է նոր աշխատավայրեր:
Միևնույն ժամանակ EIA-ն հույս ունի, որ նավթի արդյունահանման մեծացումը կնվազեցնի ածխաջրածինների գները: Ակնկալվում է, որ հաջորդ տարի Brent նավթի գինը մեկ բարելի դիմաց 112 դոլարից կնվազի` դառնալով 99 դոլար, իսկ WTI նավթը՝ 94 դոլարից կդառնա 91 դոլար:
