Ընդգծելով, որ Հայաստանի անդամակցությունը ԵՏՄ-ին այլևս անշրջելի և կայացած փաստ է, Լևոն Տեր-Պետրոսյանը հայտարարեց. «Ես համոզված եմ, որ նոր իշխանությունների ձևավորման պարագայում Եվրասիական միության կազմում անգամ Հայաստանը կարելի է դարձնել արևմտյան կամ համամարդկային արժեքների, այն է` ժողովրդավարության, խոսքի, մամուլի, խղճի ազատության, մարդու իրավունքների, շուկայական տնտեսության վրա հիմնված իրավական պետություն»։
Որքանո՞վ է հնարավոր արևմտյան արժեքների վրա հիմնված իրավական պետություն կառուցել մի համակարգում, որտեղ այդ արժեքները մերժված են: Արդյո՞ք այս դեպքում, երբ քաղաքակրթական ընտրության կարևորությունը ստորադասվում է իրավիճակային քաղաքական շահերին` Եռյակի խոստացած համակարգային իշխանափոխության փոխարեն ընդամենը անձերի փոփոխություն չի լինի:
Այս հարցերի շուրջ ԱՆՏԻՆՈՄԻԱՅԻ տաղավարում բանավիճում են հրապարակախոս, բանաստեղծ Մարինե Պետրոսյանն ու Գյումրիի «Ասպարեզ» ժուռնալիստների ակումբի խորհրդի նախագահ Լևոն Բարսեղյանը:
