ԱՄՆ բնակիչները Հելոուինի նախապատրաստությունների վրա այս տարի ծախսել են մոտ 7.4 մլրդ դոլար: Նման տվյալներ է ներկայացրել Մանրածախ առևտրի ամերիկյան ազգային ֆեդերացիան՝ փոխանցում է TASS գործակալությունը:
Այդ գումարի մեծ մասը ծախսվել է կոստյումների ձեռք բերման վրա: Սովորաբար այդ օրը մարդիկ հանդերձավորվում են ինչպես զոմբիներ, կախարդներ, վամպիրներ, կմախքներ և այլն: Այս տարի մեծ ժողովրդականություն են վայելում «Սառը սիրտը» մուլտֆիլմից արքայադուստր Էլզայի և «Մալեֆիսենտա» ֆիլմից համանուն հրաշագործի կոստյումները:
Այս տարի տարածում են գտել նաև Էբոլա տենդի դեմ պայքարողների կոստյումները:
Գլխավոր շքերթը կանցկացվի նյույորքյան Գրինվիչ-Վիլիջ շրջանում:
Հելոուինն ԱՄՆ-ում նշվում է հոկտեմբերի 31-ին՝ Բոլոր սրբեր օրվա նախօրեին:
