Անդրադառնալով Վանաձորում պարարտանյութ արտադրելու արդյունավետությանը՝ «Հայաստանի ագրարագյուղացիական միավորում» ՀԿ-ի նախագահ Հրաչ Բերբերյանը նշեց, որ մենք չունենք բնական գազ, հետևաբար պարարտանյութի արտադրությունը արդյունավետ չի լինի։ Նման պայմաններում ներկրումը ավելի էժան է, քան տեղում արտադրելը։ Ավելին, որ երկրներում բնական գազ կա, այնտեղի պարարտանյութը որակապես լավն է։ Այսինքն՝ Իրանի և Ռուսաստանի պարարտանյութը լավն է։
Նա առանձնացրեց մեկ այլ խնդիրը։ Օրինակ՝ եթե պարարտանյութը անցյալ տարի 6 հազար դրամ էր, այս տարի արդեն գինը 8 հազար դրամի է հասնում։ Միաժամանակ դա կապեց Իրանի տոների հետ և հույս հայտնեց, որ առաջիկայում խնդիրը կկարգավորվի։ Բերբերյանը արձանագրեց, որ դիզվառելիքը ևս շեշտակիորեն թանկացել է։ Ավելին, թանկացումները կանխելու տարբերակներ էլ հուշեց։ Օրինակ՝ միջազգային փորձը մատնանշելով, ասաց, որ մեծ քանակությամբ ներկրման դեպքում կարելի է ավելցված արժեքի հարկ չգանձել, քանի որ տվյալ գյուղացին դիզվառելիքը չի գնում մեքենա վարելու համար, այլ այն ներդնում է հողային աշխատանքերի վրա։ Ինչպես նաև ավելացրեց, որ այս մասին զեկուցելու են գյուղնախարարին, և եթե իրենց առաջարկները ընդունվեն, երկիրը երկիր կդառնա։
