Հայտնի լինելն ունի իր առավելություններն ու թերությունները: Վերջիններիս թվում են նաև պապարացիները, ավելի ճիշտ` «նրանց դիմակայելը»:
10.Երբ հայտնի երգիչ Ջասթին Բիբերը տեղափոխվեց Կալիֆոռնիայի իր տուն, նա դեռ տեղ չէր հասել, երբ պապարացիները լուսանկարեցին նրան այն ժամանակվա ընկերուհու` Սելենա Գոմեսի հետ: Մի անգամ էլ նրան հետևել են կինոթատրոնից դուրս գալիս: Պապարացին շտապ օգնություն է կանչել` Ջասթինին բռնի գործողությունների մեջ մեղադրելով: Լուսանկարներից, սակայն, պարզ դարձավ, որ բռնության հետք անգամ չկա:
9.Արքայազն Ուիլյամը կարծում է, որ բացի իրեն հետապնդելուց՝ պապարացիներն այժմ սկսել են հետապնդել նաև իր որդուն` Ջորջին: Հոկտեմբերի 2-ին նա դատի է տվել 2 պապարացիների, ովքեր, նրա կարծիքով, հետապնդում են որդուն և կնոջը:
8.Մի անգամ Լիլի Ալենը ավտոմեքենայի բեռնախցիկում պապարացիի է հայտնաբերել, որը փորձել է մի քանի լավ լուսանկարներ անել: Պապարացիի հետապնդումից ազատվելու համար Լիլին նրան դատի է տվել:
7.Դերասան Ալեք Բոլդոուինը նույնիսկ մի անգամ հարձակվել է պապարացիի վրա` խլելով նրա տեսախցիկը:
6.Դեռևս 1980-ականներին Շոն Փենը Հոլիվուդում հայտնի էր պապարացիների նկատմամբ իր վատ վերաբերմունքով: Նա հատկապես դիմադրում էր նրանց, երբ վերջիններս փորձում էին լուսանկարել այն ժամանակվա իր ընկերուհուն` Մադոննային:
5.Դերասան Հյու Գրանթը մի անգամ վրաերթի է ենթարկել պապարացիին, սակայն պատահականորեն:
4.Վուդի Հարելսոնը 2009-ին օդանավակայանում հարձակվել է պապարացիի վրա:
3.Շայա Լաբաֆին ամենուր հետապնդում են պապարացիները: Մի անգամ էլ, երբ նա Մեգան Ֆոքսի հետ ընթրելիս է եղել, նրանց լուսանկարել է պապարացին: Երկուսով փորձել են նրանից վերցնել տեսախցիկը, այդ պահը ևս լուսանկարվել է:
2.Քանյե Ուեսթը ևս տանել չի կարողանում պապարացիներին: Մի անգամ նա նույնիսկ խոսել է նրանցից մեկի հետ` ասելով, որ ինքը մարդ է և ուղղակի ցանկանում է, որ իրեն հարգանքով վերաբերվեն:
1.2007-ին Բրիթնի Սփիրսը պապարացիներին խնդրեց հանգիստ թողնել իրեն: Տեսնելով, որ դա ապարդյուն է, նա մի անգամ անձրևանոցով կոտրել է նրանցից մեկի ավտոմեքենայի ապակին:
