Բրիտանացի բռնցքամարտիկ Դևիդ Հեյի կարծիքով` Վիտալի Կլիչկոն պետք է մենամարտի իր հետ:
«Ես միշտ կարծել եմ, որ Վիտալին հպարտ մարդ է, ով ցանկանում է իրենից հետո որոշակի հետք թողնել: Սակայն ներկայիս տվյալներով` Կլիչկոն անգամ չի կարող մտածել այդ մասին, քանի որ վերջերս որևէ հզոր բռնցքամարտիկի հետ չի մենամարտել:
Կլիչկոն 50 մենամարտեր է անցկացրել` ոչնչությունների դեմ: Միակ մենամարտը, որը տպավորվել է բռնցքամարտի սիրահարների հիշողություններում, Լենոքս Լյուիսի դեմ մենամարտն է, սակայն Վիտալին այն պարտվել է:
Կլիչկոն պետք է այնպիսի մենամարտ անցկացնի, որը կտպավորվի մարդկանց հիշողություններում: Միակ ծանրքաշայինը, ով կարող է հանդիպել նրան և փոխել ինչ-որ բան, ես եմ»,- հայտարարել է Հեյը բրիտանական լրատվամիջոցներին տված հարցազրույցում:
