ԱՄՆ-ի Այովա նահանգի Գերագույն դատարանը չի բավարարել աշխատանքից անօրինական կերպով հեռացնելու մասին Մելիսա Նելսոնի հայցը,- հաղորդում է Euronews-ը:
Նա 10 տարի աշխատել է որպես ատամնաբույժի օգնական, սակայն անսպասելիորեն բժիշկը նրան հայտնել է աշխատանքից հեռացված լինելու մասին: Բժիշկ Ջեյս Նայթը մեկնաբանել է, որ ստիպված է եղել դիմել այդ քայլին, քանի որ Մելիսան չափազանց գրավիչ է:
Վերջին ժամանակներս ատամնաբույժը նկատել է, որ իր օգնականը սկսել է կրել շատ կիպ և բաց հագուստ, ինչը խանգարել է նրան կենտրոնանալ աշխատանքի վրա:
«Կարծում եմ, այժմ Այովայում կանայք պետք է աշխատանքի գնան փարանջայով, որպեսզի չգայթակղեն իրենց ղեկավարներին և աշխատանքից հեռացման հիմք չտան»,- ասել է Մելիսայի փաստաբանը:
Դեռևս երեք տարի առաջ Նելսոնը և Նայթը SMS հաղորդագրություններ են ուղարկել միմյանց, որոնցում շոշափել են նաև ինտիմ բնույթի հարցեր: Այս ամենի մասին իմացել է Նայթի կինը և պահանջել է աշխատանքից հեռացնել գրավիչ օգնականին:
