ԼՂՀ իշխանությունները դատապարտում են Իրաքում եզդի համայնքի ներկայացուցիչների նկատմամբ իրականացվող վերջին գործողությունները, այն, ինչ կատարվում է եզդի ժողովրդի հետ այս օրերին, համարում են ողբերգություն:
«Մենք գտնում ենք, որ դա հավասարապես վերաբերվում է նաև հայ ժողովրդին: Որովհետև եզդի ժողովուրդը փաստորեն դարձել է մեր բախտակիցը:
Այն, ինչ տեղի է ունենում Իրաքում եզդիների հետ այս օրերին, ողբերգություն է, և մենք ոչ միայն հասկանում ու կիսում ենք, այլև խիստ դատապարտում ենք ու գտնում, որ այն նաև մեզ է վերաբերվում: Եզդիները միշտ եղել են մեզ հետ, և բնական է՝ ինչ կատարվում է իրենց հետ, խոր ցավ է պատճառում նաև մեզ»,- ԳԱԼԱ-ի հետ զրույցում ասել է ԼՂՀ նախագահի մամլո խոսնակ Դավթի Բաբայանը:
ԼՂՀ նախագահի մամլո խոսնակը կարևորեց նաև այն, որ եզդի համայնքի ներկայացուցիչները, ովքեր բնակվել են Հայաստանում և ՀՀ քաղաքացիներ են, երբևէ անտարբեր չեն եղել ՀՀ հուզող խնդիրներին և ակտիվորեն ներգրավված են եղել նաև Արցախյան պատերազմում:
Մանրամասները՝ ԳԱԼԱ-ում
