«Առավոտ» թերթը գրում է. «Երևանի քաղաքապետարանը մայրաքաղաքի տարբեր անկյուններում «տուփեր» է տեղադրել, որտեղ երևանցիները կարող են թողնել իրենց առաջարկությունները ավելի լավ Երևան ունենալու մասին։ Գարեգին Նժդեհի հրապարակի գետնանցումի հարևանությամբ գտնվող «փոստարկղում» մարդիկ առաջարկություններ անելու փոխարեն աղբ են թողել՝ ծխախոտի տուփ, արևածաղկի սերմեր, կեղտոտ ցելոֆան, անձեռոցիկ և այլն։ Ստացվում է՝ «երրորդ մասում» որևէ առաջարկ կամ սպասելիք չունեն քաղաքապետարանից և իրենց դուր է գալիս թափթփվածությունը։ Սա այն դեպքն է, որ քննադատելին քաղաքացիներն են և ոչ թե Երևանի քաղաքապետարանը»։
Մանրամասները՝ թերթի այսօրվա համարում
