Կառավարության մշակած և ԱԺ ներկայացրած «Շրջանառության հարկը» ՀԱԿ-ի «100 քայլ»-ի դրույթներից մեկն է: Այսօր օրինագծի քննարկման ժամանակ ԱԺ նիստում ՀԱԿ պատգամավոր Հրանտ Բագրատյանը դրական գնահատեց նախաձեռնությունը, բայց նշեց, որ կասկածներ ունի ներդրման եղանակի կապակցությամբ: Ըստ նրա՝ շրջանառության հարկն անուղղակի հարկ է և գանձվում է շրջանառությունից` անկախ ընկերության եկամտից: Ըստ պատգամավորի՝ գործունեության տեսակների միջև տարբերություն դնելու կարիք չկա: Նա հետաքրքրվեց՝ հետագայում ամբողջությա՞մբ է անցում կատարվելու շրջանառության հարկի:
Ֆինանսների փոխնախարար Սուրեն Կարայանը տեղեկացրեց, որ արտահանման խրախուսման պատճառով ամբողջությամբ չեն անցնում շրջանառության հարկի:
Կարայանը նշեց, որ շրջանառության հարկի անցումը պարտադիր ռեժիմ չէ, սուբյեկտն ինքը կարող է որոշել՝ որ դաշտում աշխատել: Նա առաջարկեց առաջինից երկրորդ ընթերցման ժամանակ քննարկել օրենքը:
