Մեքսիկայի մայրաքաղաքում չեղյալ են հայտարարել Դենիել Ռեդկլիֆի մասնակցությամբ նոր «Ինչ եթե» ֆիլմի պրեմիերային նվիրված միջոցառումը: Այս մասին գրում է The Hollywood Reporter-ը: Մեքսիկայի իշխանություններն այսպիսի որոշում են ընդունել կարմիր գորգի մոտ հավաքված երկրպագուների չափազանց մեծ թվի պատճառով:
Ֆիլմի շնորհանդեսը պետք է տեղի ունենար առևտրի կենտրոններից մեկում, սակայն քաղպաշտպանության քաղաքային վարչությունը հայտարարել է, որ հավաքված երկրպագուների թիվն «անսպասելի մեծ է եղել», և տեղի Diamond Films Mexico դիստրիբյուտորին հրահանգել է հրաժարվել միջոցառումից:
Diamond Films Mexico-ում նշել են, որ ընկերությունը գնահատում է ֆանատների էնտուզիազմը և ներողություն է խնդրում: