Արգենտինան հերքել է Մեծ Բրիտանիայի մեղադրանքներն առ այն, որ ինքը խոչընդոտում է վիճահարույց Ֆոլկլենդյան (Մալվինյան) կղզիներ զրոսաշրջային ուղևորություններ կազմակերպող ընկերությունների մուտքը ու խանգարում մերձակա ջրերում ձկնորսությանը: Այս մասին հաղորդում է RIA Novosti-ն՝ հղում կատարելով Արգենտինայի ԱԳՆ-ի հայտարարությանը:
Հաղորդագրությունից պարզ է դառնում, որ Բրիտանական արտգործնախարարության պաշտպանության ու անվտանգության հարցով գլխավոր տնօրեն Ռոբերտ Հեննիգանը կանչել է իր երկրում Արգենտինայի դեսպան Ալիսիա Կաստրոյին ու նրան հաղորդել է «բրիտանական կառավարության դժգոհությունը»՝ կապված Արգենտինայի կողմից Հարավային Ատլանտիկայում կաղամարների որսի արտոնագիր չտրամադրելու հետ:
Խոսելով մեղադրանքի առաջին մասի մասին՝ Արգենտինայի դեսպանը մեկնաբանել է, որ Մեծ Բրիտանիան ցանկանում է կաղամարի որս կատարել Մալվինյան (Ֆոլկլենդյան) կզիները շրջապատող ջրերում ՝ դրանով իսկ օգտագործելով Արգենտինային պատկանող ռեսուրսներն այնպես, ինչես անում են ածխաջրածնային ռեսուրսների հետ:
Արգենտինայի դեսպանը նաև հերքել է բրիտանական կողմի այն հայտարարությունը, որ արգենտինական նավերը հետապնդում են զբոսաշրջային նավերը, ասվում է փաստաթղթում:
Արգենտինայի ԱԳՆ-ն հիշեցրել է, որ անցած շաբաթ Միջազգային ծովային կազմակերպության շրջանակում Արգենտինան ապացուցել է, որ «չի խախտում ոչ մի միջազգային պարտավորություն կամ նորմ»:
Ֆալկլենդյան (Մալվինյան) կղզիները փաստացի դարպասներ են դեպի Անտարկտիդա և հարուստ են օվկիանոսի բնական ռեսուրսներով:
