ԱՄՆ նախագահ Բարաք Օբաման վստահ է, որ Վաշինգտոնն ու Մոսկվան կկարողանան շարունակել համագործակցությունը զանգվածային ոչնչացման զենքի սպառնալիքների նվազեցման համատեղ ծրագրի շուրջ, որն առավել հայտնի է իր հեղինակների անունով՝ Նաննա-Լուգարա: Այս մասին հայտնում է ITAR-TASS-ը:
«Ես լավատեսորեն եմ տրամադրված նման պայմանավորվածության ձեռք բերման հարցում»,-երկուշաբթի հայտարարել է Օբաման՝ ելույթ ունենալով Վաշինգտոնի ազգային պաշտանության համալսարանում: Այնտեղ կազմակերպվել էր կոնֆերանս՝ նվիրված այդ ծրագրի 20-ամյակին, որը սկիզբ է դրել «սառը պատերազմի» ավարտից հետո ավելորդ միջուկային սպառազինության ոչնչացման գործում երկու երկրների փոխգործակցությանը:
ԱՄՆ-ի և Ռուսաստանի միջև այդ ոլորտում 1992 թվականին կնքված համաձայնագիր բազմիցս երկարաձգվել է, դրա ժամկետը լրանում է 2013-ի հունիսին:
Ռուսական կողմը վերջերս հաղորդել էր, որ ներկա տեսքով փաստաթուղթն իրեն չի գոհացնում, այդ իսկ պատճառով զգալի ուղղումներ է պահանջում: Ամերիկյան վարչակազմն այդ առնչությամբ բանակցություններ անցկացնելու պատրաստակամություն է հայտնել:
«Ռուսաստանը հայտարարել է, որ իր կարծիքով՝ համաձայանգիրը չի համապատասխանում երկու երկրների հարաբերությունների ներայիս վիճակին: Եկեք այն ավելի ժամանակակից դարձնենք՝ շարունակելու համագործակցությունը զանգվածային ոչնչացման զենքի սպառնալքի նվազեցման շուրջ»,-ասել է Օբաման:
Նա ընդգծել է, որ Նաննա-Լուգարայի ծրագիրը նախկինի պես կարևոր է ԱՄՆ-ի, Ռուսաստանի և մյուս երկրների անվտանգության համար, քանի որ ուղղված է աշխարհում միջուկային, քիմիկան և կենսաբանական զենքի ոչնչացմանը:
