Լուսանկարիչ Ջո Ֆարելը ներկայացնում է այն չինուհիների լուսանկարները, որոնք անցել են ոտնաթաթերը փաթաթելու սարսափելի ավանդույթի միջով, գրում է bigpicture.ru–ն: Լուսանկարների միջոցով հնագույն ավանդույթների և մարդկանց փաստագրման ցանկությամբ տարված Ֆարելը ամեն տարի վերադարձել է այն փոքրիկ գյուղը, որտեղ ապրում է 88-ամյա Չժան Յուն Ինը, որպեսզի ստեղծի անցած պատմությունների տեսողական օրագիրը, որը շուտով կանհետանա երկրի երեսից:
Ոտնաթաթերը փաթաթելն իր արմատներով հասնում է մինչև Սուն կայսրության ժամանակները:
Այն ավանդաբար կատարում էին մանուկ հասակում, երբ երեխաների ոսկորները դեռ փափուկ են:
Այսպիսի ոտքերը 7 սմ երկարություն ունեն և դրանցով քայլելը փաստացի անհնար է:
Այսպիսի ոտքերով կանայք ազդեցիկ ամուսններ էին ունենում և իրենց ընտանիքների բարգավաճմանն էին ծառայում:
1911թ. կառավարությունն արգելել էր փաթաթել ոտնաթաթերը, սակայն այս փաստը գյուղական համայնքներում շարունակվում էր մինչև 1939թ.:
Ֆարելի «մոդելները» 80-90 տարեկան կանայք են, որոնց հիշողությունը աստիճանաբար վատանում է:
Լուսանկարիչը շտապում է լուսանկարել նրանց, քանի դեռ այդ կանայք չեն լքել մեր աշխարհը:
