Հոլանդիայի Էմմեն քաղաքի կենդանաբանական այգու աշխատակիցները որոշել են միմյանցից հեռացնել ասիական փղերին, որոնք «ապստամբություն» են բարձրացրել այն բանի պատճառով, որ ոչ մի կերպ չեն կարողանում բաժանել իշխանությունը հոտը ղեկավարած էգի սատկելուց հետո: Այս մասին գրում է Agence France-Presse-ը:
Նշենք, որ Էմմենի կենդանաբանական այգին Եվրոպայի ամենաշատ այցելուներ ունեցող այգիներից է:
Այգու աշխատակիցների խոսքով՝ 12 փղերից 4-ը տառապում են իրենց նկատմամբ ագրեսիայից, ուստի դրանց փորձում են հեռացնել հոտից:
Իրավիճակը լարվել է 2012թ. ամառվանից, երբ հոտի ղեկավարի սատկելուց հետո փղերը սկսեցին պայքարել ազդեցության գերակայության համար, սակայն այդպես էլ չկարողացան հաղթանակի հասնել:
Կենդանաբանական այգին կփորձի արտաքսել «ապստամբ» փղերին` տեղավորելով կենդանաբանական այլ այգիներում, ընդ որում` միանգամայն անվճար:
