Նոյեմբերի 26-ին Իտալիայի Սենատը մերժել է օրինագիծը, որով նախատեսվում է ԶԼՄ-ներում հրապարակված զրպարտության համար 1 տարվա ազատազրկում ներմուծել: Այս նախաձեռնության դեմ հանդես է եկել 123 պատգամավոր, 29-ը կողմ է քվեարկել, 9-ը` ձեռնպահ մնացել, հայտնում է rbc.ru-ն:
Օրենքում հնարավոր փոփոխությունը լրագրողները սվիններով են ընդունել: Նրանք մտադիր էին համընդհանուր գործադուլ կազմակերպել և միայն վերջին պահին հրաժարվել են այդ մտքից:
2012-ի սեպտեմբերին զրպարտելու համար մեղավոր է ճանաչվել Il Giornаle թերթի ներկայիս գլխավոր խմբագիր Ալեսսանդրո Սալլուստին: Նրան դատապարտել էին 14 ամսվա ազատազրկման, որը նա կանցկացնի տնային կալանքի պայմաններում:
Գլխավոր խմագրին մեղադրում են նրա համար, որ իր գլխավորած թերթը խնամակալության մարմինների ներկայացուցիչների մասին տեղեկություն է տարածել, որ վերջիններս 14-ամյա աղջկա դրդել են հղիության արհեստական ընդհատման:
Իտալիայի նախագահ Ջորջո Նապոլիտանոն լրագրողի դատավճիռն անվանել է անարդարացիորեն խիստ, պատժի մեղմացման օգտին հանդես է եկել նաև ներքին գործերի նախարարը:
