Այս պահին սպորտային ապրանքների շուկան բավականին խոստումնալից է, քանի որ համաշխարհային շուկայի ծավալը 100 մլրդ դոլար է կազմում, և կանխատեսվում է, որ 2013 թ. 133 մլրդ դոլար կկազմի:
Ուսումնասիրությունները պարզել են, որ համաշխարհային շուկայում սպորտային ապրանքների 70 %-ը հայտնի բրենդների անվան տակ արտադրվում է Չինաստանում, Վիետնամում և Հարավային Կորեայում:
Սպորտային ապրանքներ արտադրող ընկերությունների շարքում առաջատարներից մեկն ամերիկյան Nike Inc.-ն է, որը ապրանքներ է թողարկում Nike, Total 90, AirJordan, TeamStarter բրենդների անվան տակ: Դուստր ընկերություններն են Umbro–ն, HurleyInternational–ը, Converse–ը, ColeHaan–ը։ Nike-ը ներկա պահին ամենաթանկարժեքն է, այն գնահատվում է 15,9 մլրդ դոլար՝ առանց դուստր ընկերությունների: Այս գումարն ամբողջ շուկայի մեկ երրորդն է կազմում: Ընկերությունն աշխարհի հարյուր ամենաթանկարժեք ապրանքանիշների ցուցակում 26-րդ տեղն է զբաղեցնում:
Այս շուկայում կարևոր դեր է խաղում նաև գերմանական Аdidas Group–ը, որը ներառում է Mavic, Salomon, Bonfire, Maxfli, Rockport, Reebok և CCM ապրանքանիշները: Բրենդի արժեքը 6,8 մլրդ դոլար է կազմում: Հարյուր ամենաթանկարժեք բրենդների շարքում այն 60-րդն է: Ամերիկյան դուստր Reebok ընկերության շահույթը վերջին երկու տարում նվազել է 500 միլիոն դոլարով՝ կազմելով 1,2 մլրդ դոլար: Reebok-ի գործունեությանը խանգարել են Հնդկաստանում բացահայտված խարդախության փաստերը:
Այս ոլորտում երրորդ կարևոր դերը զբաղեցնում է Puma AG Sport-ը (Գերմանիա): Ընկերությունը թոփ-հարյուրյակի մեջ ընդգրկված չէ, սակայն անցած տարի 11,2 %-ով ավելացրել է վաճառքի ծավալը:
