ԲՀԿ-ի մոտ օրինաչափություն է դառնում մի քանի օր շարունակ քաղխորհրդի նիստեր անցկացնելու պրակտիկան: Եվ նախորդ օրը, և երեկ «կանյաչնիում» ԲՀԿ-ն քաղխորհրդի նիստեր է արել: «Հրապարակ»-ը գրում է, որ մասնակցել են հիսունակամ մարդ` պատգամավորներ և մարզային կառույցների ղեկավարներ: Երկու օրվա նիստերի օրակարգում էլ նույն հարցն է եղել, ի՞նչ են մտածում շարքերն ու պատգամավորներն առաջիկա նախագահակամ ընտրությունների և Ծառուկյանի առաջադրման մասին: Բոլոր մարզային կառույցմերի ներկայացուցիչները հատ-հատ ներկայացրել են իրենց տեսլականը մասնակցության մասին, պնդել, որ պետք է ներկայանալ բացառապես սեփական թեկնածուով, և այդ թեկնածուն պետք է լինի Գագիկ Ծառուկյանը:
Օսկանյանին ոչ մեկը չի մատնանշել: Սերժ Սարգսյանի մասին, ըստ մասնակիցների, որևէ բառ` «լավ կամ վատ», չի հնչել: Ծառուկյանն ասել է, որ իր որոշումն արդեն կայացրել է, սակայն որևէ բառ այդ որոշման մասին չի արտաբերել, ԲՀԿ-ի արմատական տրամադրված մասը հասկացել է, որ Ծառուկյանն անպայման առաջադրվելու է, ոչ արմատական մասը դեռ հույս ուներ, որ «հնարավորությունը հիսուն-հիսուն է»: Ծառուկյանն ասել է նաև, որ որոշումը կհրապարակի իր ծննդյան օրվանից մի քանի օր անց: Հիշեցնենք, որ ծննդյան օրը նոյեմբերի 25-ին է, նա 56 տարեկան է դառնում: Ապա տեղեկացրել է` քանի որ ծննդյան օրն ինքը սովորաբար անցկացնում է հանրապետությունից դուրս, կգնա-կգա-կհայտարարի իր որոշման մասին: Ներկաներն ասել են` ուշ է, վաղը հրապարակեք: Նա պատասխանել է` չէ, նորմալ է:
