Fox News հեռուստաալիքի աշխատակիցների կողմից հարցման ենթարկված ամերիկյան քաղաքացիների կեսից ավելին կարծում է, որ Միացյալ Նահանգների գործող նախագահ Բարաք Օբաման «թուլացրել» է երկիրը պետության ղեկավարի պարտականությունների կատարման ժամանակաշրջանում, հաղորդվում է հեռուստաալիքի կայքում, գրում է RIA Novosti-ն։
Հարցման տվյալներով՝ հարցվածների 55 տոկոսը դատապարտել է 44-րդ ամերիկյան նախագահի ներկա քաղաքական կուրսը՝ հայտարարելով, թե նրա ղեկավարության ներքո երկիրը թուլացել է։ Վիճակագրորեն այդ կարծիքի պաշտպանության օգտին արտահայտվել է հանրապետականների 89%ը, դեմոկրատների 22%-ը, ինչպես նաև անկախ հայացքների տեր մարդկանց 59%-ը։
Հակառակ կարծիքին է եղել հարցվածների ընդամենը 35%-ը։
Ինչպես տեղեկացնում է հեռուստաալիքի կայքը, հարցվածների 68 տոկոսը համարում է, որ Բարաք Օբամայի վարչակազմը պակաս իրավասու է, քան դեմոկրատների նախորդ ներկայացուցիչ Բիլ Քլինթոնինը։
