Մումբայից 9-ամյա Լաքհան Քալեն մնացել է առանց ծնողների, քանի որ մայրը լքել է, իսկ հայրը վերջերս է մահացել, այդ պատճառով Լաքհանը մնացել է տատիկի խնամակալությանը: Երեխան կաթվածահար է եղել՝ ոչինչ չի լսում և չի կարողանում խոսել: Աշխատանքի գնալով տատիկը նրա ոտքը կապում է կանգառում, որտեղ փոքրիկը պառկում է Հնդկաստանի արևի տակ ողջ օրը և սպասում է, թե երբ տատիկը կվերադառնա ու իրեն տուն կտանի:
Մարդիկ սպասել են նրա տատիկին, որպեսզի մի քանի հարցեր տան, ինչին ի պատասխան երեխայի 66-ամյա անտուն տատիկը ասել է՝ «Ի՞նչ կարող եմ անել։ Նա չի խոսում, ոչ մի բան չի կարող մարդկանց բացատրել, եթե հանկարծ մոլորվի»:
Այս դեպքն արդեն աչքի տակ են առել բարեգործական մի քանի կազմակերպություններ, իսկ 9-ամյա տղան հիմա պետական խնամքի է վերցված:
Հնդկաստանում շատ տարածված է սահմանափակ հնարավորություններով մարդկանց նկատմամբ խտրականությունը:
Երեխան սիրում է շրջել, այդ պատճառով տատիկը երեկոյան կապում էր նրա ոտքը իր ոտքին:
Շատ ծնողներ դժգոհում են, որ Հնդկաստանում հատուկ հաստատություններ չկան, որոնք հոգ կտանեն նման երեխաների համար: Կան պետական մանկատներ, բայց այնտեղ էլ մասնագետներ չկան, որ զբաղվեն հաշմանդամ երեխաներով:
