Այս տարվա հունիսին ԱՄՆ վարչակազմը հայտարարել էր մանուկ հասակում անօրինական ճանապարհով ԱՄՆ ներգաղթածների նկատմամբ օրենքի մեղմացման մասին:
Նախագահական ընտրություններում երկրորդ անգամ նախագահի պաշտոնին հավակնող Բարաք Օբաման խոստանում է, որ կոնգրեսը կհաստատի իր միգրացիոն բարեփոխումները 2013 թ., իսկ միջկուսակցական համաձայնությունը, բյուջետային պակասուրդի իջեցման շուրջ, հաստատվելու է իր նախագահական երկրորդ ժամկետի առաջին վեց ամիսների ընթացքում:
Սեպտեմբերի 7-ին հանդես գալով Դեմոկրատների համագումարում՝ Օբաման խոստացել է, որ առաջիկա 10 տարում ԱՄՆ բյուջետային պակասուրդը կկրճատվի 4 մլրդով:
«Մենք մտադիր ենք պակասուրդի կրճատման մասին համաձայնության գալ, կարծում եմ, առաջիկա վեց ամիսների ընթացքում: Մենք պատրաստվում ենք լուծել այդ մեծ խնդիրը»,- ասել է Օբաման Այովա նահանգում նախընտրական քարոզարշավի շրջանակներում:
Պատասխանելով այն հարցին, թե կոնգրեսը կընդունի իր առաջարկած միգրացիոն ծրագիրը, Օբաման նշել է, որ դա ևս տեղի կունա իր վերընտրման առաջին տարում:
«Ես վստահ եմ, որ հաջորդ տարի մենք կընդունենք միգրացիոն բարեփոխումը»,- նշել է նախագահը:
Այս երկու հարցերի լուծման համար Օբաման դեմոկրատների օգնության կարիքը կունենա:
