«Լուվր»-ը հասարակությանը խնդրել է 1 մլն դոլար (800 հազար եվրո) հավաքել, որը չի բավականացնում XIII դարի փղոսկրյա երկու արձանիկները գնելու համար: Այս մասին հաղորդում է Agence France-Presse-ը:
Թանգարանի տնօրեն Անրի Լուարետը գործակալությանը հայտնել է, որ «Լուվր»-ին այդ միջոցներն անհրաժեշտ են մինչև հունվարի 31-ը. նման պայման է դրել արձանիկների տերը, որը ցուցանմուշների համար պահանջել է 2,6 մլն եվրո: Գումարի կեսը տրամադրել են «Լուվր»-ի ընկերները, ևս 500 հազարը նվիրաբերել է ապահովագրական ընկերությունը, սակայն դա բավարար չէ:
Եթե Լուվրը չհասցնի հավաքել գումարը, ապա արձանները, որը Լուարետն անվանում է ֆրանսիական գոթական արվեստի գլուխգործոցներ, իսկ մշակույթի նախարարությունը՝ ազգային արժեք, կարող են վաճառվել արտերկրի ներկայացուցիչների: Գումարի հավաքման արշավը սկսվել է հոկտեմբերի 23-ից:
Թանգարանը հատուկ ուշադրություն է սևեռել 20 սմ-անոց արձաններին, քանի որ այն փնտրել է երկար տարիներ շարունակ: Ֆիգուրները «Խաչիջեցում» կոմպոզիցիայի մասն են, որը թվագրվում է 1270 թվականին և մտնում թանգարանի հավաքածուի մեջ:
