Ավստրալացի բժիշկները հայտարարել են, որ գիտեն, թե ինչպես ազատվել գիշերային մղձավանջներից:
Հետտրավմատիկ հոգեկան առողջության ավստրալական կենտրոնի դոկտոր Անդրեա Ֆելպսը պատմել է մեթոդի մասին, որը հնարավորություն է տալիս հետտրավմատիկ սթրեսով տառապող մարդկանց վերաշարադրել իրենց գիշերային մղձավանջների սցենարները, կամ պարզապես դրանք հեռացնել իրենց կյանքից: Այս մասին գրում է The Sydney Morning Herald-ը:
Իսկապես, տրավմատիկ միջադեպից հետո, մարդը հաճախ է բախվում կրկնվող մղձավանջների: Դա հատկապես արդիական է զինվորների համար: Պատահում է, որ մի երազը կրկնվում է ավելի քան 30 տարի: Մղձավանջները անդրադառնում են նաև այն մարդկանց վրա, որոնց հետ ապրում է հիվանդը: Նա կարող է շարժվել և վախեցնել զուգընկերոջը:
Մեթոդը փորձարկվել է Վիետնամական պատերազմի վետերանների վրա: Արդյունքում զգալի բարելավում է նկատվել 12 հիվանդներից 11-ի մոտ: Նրանցից 7-ի մոտ մղձավանջներն առհասարակ վերացել են:
Այսպիսով՝ թերապիայի ընթացքում առաջարկվել է վերաշարադրել մղձավանջի սցենարը: Հիվանդներից պահանջվել է խաղարկել տարբեր ավարտներ՝ փոխարինելով ամենավատ տարբերակներին: Նոր սցենարը պտտվում է գլխում քնից առաջ: Օրինակ, եթե քնի մեջ մարդու հետևից վազում են կատաղած շները, ապա կարելի է դրանց փոխարինել հայտնի մանկական ֆիլմերի շներով:
Ներկայում դոկտոր Ֆելպսը աշխատում է Աֆղանստանում և Իրաքում ծառայած հարյուրավոր զինվորների հետազոտության վրա:
