ԱՄՆ-ի զինծառայողները սկսկել են Իսրայել ժամանել՝ հրթիռային զորքերի զորավարժություններին մասնակցելու: Հոկտեմբերի վերջին մեկնարկելիք զորավարժությունները պետք է ամրապնդեն իսրայելական ռազմական ներուժն ու ռազմական կարողությունները փոքր և մեծ հեռավորության հրթիռներից պաշտպանվելու դեպքերի համար, հայտնում է «Ազատություն» ռադիոկայանի ռուսական ծառայությունը:
Սրանք կլինեն իսրայելաամերիկյան հարաբերությունների պատմության ամենամասշտաբային զորավարժությունները: Դրանց կմասնակցի նաև ԵՄ-ի անդամ և միջերկրածովյան երկրների 2 500 զինծառայող:
Պենտագոնը հրաժարվել է ճշգրտել` արդյոք այս զորավարժություններն ապագայում Իրանի միջուկային օբյեկտներին հարվածելու նախապատրաստություն են:
Իսրայել զորավարժությունների համար տարված զենքերի թվում են Patriot հրթիռներն ու Aegis համակարգով բալիստիկ հրթիռներով մի նավ:
