Կազմվել է հազարամյակի ամենահարուստ մարդկանց վարկանիշային աղյուսակը

Հազարամյակի ամենահարուստ մարդ է ճանաչվել աֆրիկյան տիրակալ Մուսա 1-ինը (14-րդ դար), այսպիսի եզրակացության են եկել Հազարամյակի ամենահարուստ մարդկանց վարկանիշային աղյուսակի հեղինակները:

Պատվավոր եռյակում է հայտնվել Ռոթշիլդների դինաստիան և միլիարդատեր Ջոն Ռոքֆելլերը: Վարկանիշային աղյուսակը կազմել է Сelebrity Net Worth հրատարակությունը, ներկայացված է 25 մարդ:

Ցուցակի հեղինակների հաշվարկներով՝ վարկանիշային աղյուսակի բոլոր մասնակիցների ընդհանուր կարողությունը կազմում է 4.32 տրլն դոլար:

Թոփ-25-ից միայն 3 մարդ է ներկայում ողջ՝ Բիլ Գեյթսը, Կառլոս Սլիմն ու Ուորեն Բաֆեթը, ցուցակում չկա ոչ մի կին, 14 մարդ ամերիկացի է: Ինչպես գրում է բրիտանական The Daily Mail պարբերականը, ցուցակը կազմողները հիմք են ընդունել նրանց կարողության չափը՝ հաշվի առնելով ինֆլյացիան ու այսօրվա իրականությունը:

Հարուստներից ամենաաղքատը 82-ամյա Ուորեն Բաֆեթն է՝ աշխարհի խոշորագույն ներդրողը, որի կարողությունը 2012թ. գնահատվում է 44 մլրդ դոլար:

Վարկանիշային աղյուսակը գլխավորում է մանսա Մուսա 1-ինը, որը միջնադարում ղեկավարել է Մալին ու իշխանության է եղել ավելի քան 20 տարի: 1331թ. մահանալիս նրա կապիտալը կազմել է 400 մլրդ դոլար այսօրվա արժեքով: Մուսա 1-ի ժառանգները չկարողացան պահպանել նրա կապիտալը:

Երկրորդ հորիզոնականում Ռոթշիլդների դինաստիան է՝ 350 մլրդ դոլարով: Նրանց տունը հիմնադրվել է 18-րդ դարում` Մայեր Ամշել Ռոթշիլդի կողմից, ով բանկ էր բացել Մայնի Ֆրանկֆուրտում:

Պատմության մեջ առաջին դոլարային միլիարդատերը Ջոն Դևիսոն Ռոքֆելլերն է, ով 1937թ. մահանալիս իր հաշիվներում ուներ 340 մլրդ դոլար` այսօրվա տարադրամի փոխարժեքով:

Ստորև ներկայացնում ենք բոլոր ժամանակների ու ժողովուրդների 25 ամենահարուստ մարդկանց վարկանիշային աղյուսակը.

1. Մուսա 1-ին (400 մլրդ դոլար)
2. Ռոթշիլդների դինաստիա (350 մլրդ դոլար)
3. Ջոն Ռոքֆելլեր (340 մլրդ դոլար)
4. Էնդրյու Քարնեգի (310 մլրդ դոլար)
5. Նիկոլայ 2-րդ (300 մլրդ դոլար)
6. Օսման Ալի Խան, Ասաֆ Ջախ (236 մլրդ դոլար)
7. Վիլհելմ 1-ին Նվաճող (229,5 մլրդ դոլար)
8. Մուամար Քադաֆի (200 մլրդ դոլար)
9. Հենրի Ֆորդ (199 մլրդ դոլար)
10. Կոռնելիուս Վանդերբիլդ (185 մլրդ դոլար)
11. Ալան Ռուֆուս (178,7 մլրդ դոլար)
12. Բիլմ Գեյթս (136 մլրդ դոլար)
13. Ուիլյամ դե Վարրեն (146,1 մլրդ դոլար)
14. Ջոն Ջեքոբ Աստոր (121 մլրդ դոլար)
15. Ռիչարդ Ֆիցալան (118,6 մլրդ դոլար)
16. Ջոն Գոնտ (110 մլրդ դոլար)
16. Ստեֆան Ժիրարդ (105 մլրդ դոլար)
17. Ալեքսանդր Ստյուարտ (90 մլրդ դոլար)
18. Հենրի Լանկաստեր (85,1 մլրդ դոլար)
19. Ֆրեդերիկ Վեհևհաուզեր (80 մլրդ դոլար)
20. Ջեյ Գուլդ (71 մլրդ դոլար)
21. Կառլոս Սլիմ (68 մլրդ դոլար)
22. Սթիվեն վան Ռենսելլեր (68 մլրդ դոլար)
23. Մարշալ Ֆիլդ (66 մլրդ դոլար)
24. Սեմ Ուոլթոն (65 մլրդ դոլար)
25. Ուորեն Բաֆեթ (64 մլրդ դոլար)