Ամերիկացի կոնգրեսականները պատահաբար բացահայտել են Բենղազիում Կենտրոնական հետախուզության վարչության (ԿՀՎ) տեղը, գրում է The Washington Post-ը: Այդ քաղաքում Ամերիկայի չորս դիվանագետների սպանության պատճաներն ու հանգամանքները պարզելուն նվիրված հրապարակային լսումների ընթացքում Պետդեպարտամենտի ներկայացուցիչը ներկաներին ցուցադրել է մի լուսանկար, որում նշված են եղել ոչ միայն կոնսուլությունը, այլև դրանից ոչ հեռու գտնվող «լրացուցիչ շենքերը»:
Լսումների մասնակիցներից մեկը պահանջել է անմիջապես հեռացնել լուսանկարը` չնայած Պետդեպարտամենտի ներակացուցիչը հայտարարել էր, որ լուսանկարը գաղտնի տեղեկություն չի պարունակում:
Վեճին միացել է նախագահողը, ով ևս պահանջել է, որ լուսանկարը հեռացնեն: Սակայն բոլոր ցանկացողներն արդեն պարզել են, թե որտեղ է տեղակայված Բենղազիում ԿՀՎ-ի շենքը:
Կոնգրեսականն ակամա ևս մի քանի գաղտնիք է բացահայտել: Պարզվել է, որ Բենղազիում աշխատել է ԿՀՎ-ի 7 աշխատակից, ովքեր զինված են եղել, սակայն «պարտադիր» չեն ենթարկվել դիվանագիտական ներկայացուցչության անվտանգության ապահովման ղեկավարությանը և չեն պատկանել Հետախուզությունների դաշնային բյուրոյին:
Հրապարակային լսումներն ավարտել են` առաջարկելով նիստը շարունակել փակ ռեժիմով:
