Եվրոպական բանկերին հաջողվել է ավելի քան 200 մլրդ եվրո կապիտալ ներգրավել ճգնաժամի դեմ պայքարելու համար: Այսպիսի տվյալներ է մեջբերում Եվրոպական բանկային վարչությունը (EBA):
Ինչպես հաղորդում է Vesti-ն, գերատեսչության զեկույցում նշվում է, որ նախկինում կապիտալի դեֆիցիտի հետ բախված 27 բանկերի հաջողվել է իրենց պաշարներն ավելացնել 116 մլրդ եվրոյով՝ դրանով հասնելով ավելի վաղ առաջ դրված նպատակին՝ կապիտալի բարձրացմանը:
Կապիտալի բարձրացումը համարվում է տարածաշրջանի ֆինանսական համակարգի նկատմամբ ներդրողների վստահությունն ավելացնելու և վարկատուներին սուվերեն պարտատոմսերի արժեքը նվազման ռիսկերից պաշտպանելու ծրագրի մաս:
Ընդ որում, եվրոպական բանկերի կապիտալի աճի ընդհանուր ցուցիչը գերազանցել է 200 մլրդ եվրոն:
Բազելի կոմիտեի նոր կանոնների համաձայն՝ ԵՄ խոշորագույն բանկերը պահուստում պետք է ունենան 312 մլրդ եվրո:
Եվրոպական բանկային վարչության ներկայացուցիչ Անդրեա Էնրիկա նշել է, որ «եվրոպական բանկերը հասել են զգալի առաջընթացի կապիտալի ամրապնդման և եվրոպական բանկային համակարգում ընդհանուր կայունությունն ամրապնդելու գործում»: «Բանկերն այսօր ավելի լավ վիճակում են տնտեսական սեկտորի իրական ֆինանսավորման համար, սակայն նրանք նաև հետագայում պետք է գնան նոր իրավական միջավայրով նախատեսված ճանապարհով: Այդ պատճառով EBA-ը կխնդրի բանկերին ներկայացնել կապիտալի մեծացման ծրագրեր Եվրոպայում «Բազել-III» ստանդարտի պահանջներին սահուն կերպով անցնելու համար»,- ասել է նա:
