Հոնկոնգի ամենահարուստ բնակիչներից մեկի` Սեսիլ Չաո Շեցզյունի դուստրը, որին հայրը որոշել է «բուժել» ոչ ավանդական սեքսուալ կողմնորոշումից, հայտարարել է, որ նեղացած չէ հորից, գրում է The Telegraph-ը: Հիշեցնենք, որ բիզնեսմենը մոտ 65 մլն դոլար է խոստացել ցանկացած տղամարդու, ով կկարողանա գրավել իր դստեր սիրտն ու ամուսնանալ նրա հետ:
Գիգի Չաոյի խոսքով` սկզբից իրեն զվարճացրել է հոր արարքը, հետո ինքը եզրակացրել է, որ իսկապես սիրող հայր ունի: Աղջիկը նշել է, որ հասկանում է, թե ինչու է նա դա արել:
Արժե նշել, որ միայն Սեսիլ Չաո Շեցզյունը չէ, որ համաձայն չէ աղջկա ընտրությանը: Գիգին պատմել է, որ 16 տարեկանում ինքը մորը խոստովանել է, որ աղջկա հետ հարաբերություններ ունի, սակայն մայրը ևս իրեն չի հասկացել:
Այդ պահից սկսած Գիգի Չաոն արդեն 200 ամուսնության առաջարկություն է ստացել: Նրան առաջարկություն են անում տղամարդիկ ԱՄՆ-ից, Նիգերիայից, Հնդկաստանից, Թուրքիայից, Բուլղարիայից և այլ երկրներից:
