Աշխարհում ոսկու արդյունահանմամբ զբաղվող երրորդ խոշորագույն ընկերությունը՝ AngloGold-ը, դադարեցրել է աշխատանքը ՀԱՀ-ում աշխատակիցների գործադուլի պատճառով, հաղորդում է Businessweek-ը:
Սկզբում հանքափորները գործադուլ էին սկսել սեպտեմբերի 10-ին Konapang հանքավայրում: Ավելի ուշ գործադուլները տեղափոխվեցին West Wits ու Vaal հանքավայրեր:
ՀԱՀ-ում է արդյունահանվում AngloGold-ի ոսկու արդյունահանման մեկ երրորդը:
Ընկերության ներկայացուցիչը հայտարարել է, որ գործադուլավորները մինչ այժմ առաջ չեն քաշել կոնկրետ պահանջներ:
AngloGold-ի բաժնետոմսներն ընկել են 2,7%-ով՝ մինչև 290,62 ռանդ 1 բաժնետոմսի դիմաց:
